Love your site. I'm taking some youth to LaJuene to visit some schools and want to teach the Game "Go Fish" to the Haitians. Can you translate? Go Fish!

Jwe Go Fish an Kreyòl

Ou kapab jwe jwèt sa a ak twa (3) jiska sis (6) jwè

Men, si pa gen anpil moun, de (2) moun kapab jwe jwèt la tou.

W’ap bezwen yon lo 52 kat pou jwe jwèt la.

Lè mèt jwèt la distribye kat yo, l’ap bay chak moun senk (5) kat.

Si se de moun k’ap jwe, mèt jwèt la va bay yo chak sèt (7) kat.

Mete rès kat ki rete yo tètanba nan yon sèl pil arebò tab la.

Men kijan jwèt la koumanse:

Jwè ki a goch mèt jwèt la dwe chwazi youn nan lòt jwè yo pou mande l yon ran kat presi.

Pa egzanp, jwè a dwe mande kat la konsa: “Magalie (non youn nan lòt jwè yo), ban m yon jacks."

Jwè a ki mande kat la kapap sèlman mande yon ran kat ke li menm li genyen tou. Sa vle di, si li pa gen kat dyaman, li paka mande yon lòt jwè pou yon kat dyaman.

Kounye a, si “Magalie” (ti fi yo te mande a) genyen kat “jacks” ke jwè a te mande li a, li dwe bay jwè a tout kat “jacks” ke li genyen.

Konsa, jwè sa a vin gen yon lòt tou. Li gen dwa mande yon lòt moun pou yon lòt ran kat.

Men, si “Magalie” (jwè yo te mande a) pa gen ran kat yo mande l la, “Magalie” dwe rele “Go fish!”. Lè sa a jwè a ki te mande kat la va kapab retire youn nan kat yo te mete tètanba a arebò tab la. Lè jwè a pran yon kat nan pil la, si se kat li te mande a, jwè a dwe montre tout moun kat la epi l’ap gen yon lòt tou pou li mande yon lòt moun. Men si kat li pran nan pil la pa sa li te mande a, li dwe kenbe kat la pou li, epi sa va tou pa jwè ki te rele “Go fish!” la.

Pandan jwèt la ap mache, depi yon jwè vin genyen 4 kat ki gen men ran an (pa egzanp, li gen dwa genyen 4 kat dyaman), li dwe montre tout moun li, epi li dwe mete l sou kote. Jwèt la dwe kontinye jiskaske jwè yo pa gen kat ki rete nan men yo oubyen pil kat ki te tètanba a fini.

Moun ki genyen jwèt la se moun ki rete ak plis diferan pil kat menm ran an.

Ask me anything