Si ou se yon direktè lekòl ann Ayiti ki po ko patisipe nan promosyon lang kreyòl la nan lekòl ann Ayiti, n ap mande w ki lè ou va deside mete men nan pat la?
Plizyè lekòl ann Ayiti, sitou nan klas fondamantal yo, te deside anseye elèv yo alfabè kreyòl la avèk DVD ki genyen 2 ti chante alfabè kreyòl la ke pwofesè DeGraff avè Louis-Charles te pwodui nan yon videyo.
Anplis de sa, n ap ankouraje tout lekòl yo pou yo chache aprann konnen ki sa Inisyativ MIT-Ayiti a ye. Genyen anpil resous sou pwogrè ki ap fèt avèk lang kreyòl la pa rapò ak ledikasyon ann Ayiti. Ou kapab koumanse enfòme w nan sit sa a: http://resourcecenters2015.videohall.com/posters/519
Tout pwofesè lekòl ann Ayiti ta dwe pran yon pozisyon aktif pou pwogram Inisyativ la ka disponib nan tout lekòl yo ....pi bonè se gran maten. Plis nou aji pi bonè, se mwens tan ti moun yo pase ap aprann ak pwogram demode. Sèvèl ti moun yo pare pou aprann, an nou djigèt li ak bon jan teknoloji pou Ayiti ka koumanse pwodui plis syantis, chimis, matematisyen ak enjenyè ki gen konpetans global.
Jwenn plis enfòmasyon toujou. tcheke lyen sa yo:
 |
| Institution Mixte Gethsemane ap fè gwo pa annavan - yo pral chante alfabè kreyòl la. |
 |
| Ti katkat na lekòl Kindergarten ak Collège Said Nan Fontamara 43 ak direktè Marcelin Henson pral chante alfabè kreyòl la. |
 |
| Institut Mixte Emmanuel de Leogane pral chante alfabè kreyòl la. Gwo kout chapo pou direktè Jules Jean Ladie ki ap fè yon gwo travay nan zòn nan. |
 |
| Gwo bravo pou elèv collège Leonard Milord nan Leogane, rue St. Laurent avec Direktè Paul Fritz ki pral chante alfabè kreyòl la. Kontinye bon travay la. |
  |
| Lekòl Kindergarten Joli Minou nan Timo Leogan avèk directrice Mitha Louis Meriser pral chante alfabè kreyòl la. |
Haitian Creole ↔ English Reference, Look up Haitian Creole and English Words
No comments:
Post a Comment